သူနေတဲ့ကျောင်းနားမှာ ဖက်ယားပင်ကြီးတစ်ပင်ရှိတော့ အဲဒါကိုအစွဲပြုပြီး အနီးနားကလူတွေက သူ့ကို ဖက်ယားပင်ဆရာတော် လို့ ခေါ်ဝေါ်ကြတယ်တဲ့။
အဲလိုခေါ်ဝေါ်သံကို မကြာခဏကြားရတော့ ဒေါသထွက်ပြီး တစ်နေ့မှာ ဖက်ယားပင်ကြီးကို ခုတ်ပစ်လိုက်တယ်။
သစ်ပင်ကြီးခုတ်လို့ ငုတ်ချည်းကျန်တဲ့အခါ လူတွေက သစ်ငုတ်တိုဆရာတော်လို့ ပြောင်းခေါ်ကြပြန်တယ်တဲ့။
ဒါကိုကြားတော့လည်း သူမခံမရပ်နိုင်ဖြစ်ပြန်လို့၊ ဒါလောက်တောင်ရှိတာကွာဆိုပြီး သစ်ငုတ်ကိုပါ တူးထုတ်ပစ်လိုက်သတဲ့။ငုတ်မရှိတဲ့အခါမှာ လူတွေက တစ်မျိုးပြောင်းခေါ်တာပေါ့။
"ငုတ်တူးဆရာတော်" ဟူသတတ်။
☆*(у^∨^у)*☆
လူအတော်များများဟာ ကိုယ်မကြိုက်နှစ်သက်တဲ့ ကိစ္စနဲ့ကြုံလာရင် ခေါင်းအေးအေးထားမစဉ်းစားနိုင်။ဒေါသနဲ့ တုံပြန်တတ်ကြတယ်။ ဒေါသထွက်လေ လွဲလေဖြစ်တတ်တယ်။ပြဿနာဆိုတာ ကိုယ်ကပြဿနာလို့ ခံယူမှ ပြဿနာဖြစ်တာပါ။ စိတ်အေးအေးထားရင် ကိစ္စ အတော်များများဟာ အသေးအမွှားသာဖြစ်တယ်။ ကိုယ်ကပုံကြီးချဲ့ခံစားတဲ့အခါမှာ အသေးအမွှားက အဆမတန်ကြီးသွားပြီး ကိုယ့်ကိုပင် ပိုပြီးဒုက္ခပေးပါတော့တယ်။
y(o^－^o)y
ကိုယ်လျှောက်သောလမ်းထဲ
ဘယ်ညာနံဘေး
တွေ ့ဆုံခဲ့ရ လူအများနဲ့။
အားပေးသူလည်းရှိရဲ့...
ကဲ့ရဲ့သူလည်းရှိရဲ့...
ပွဲကြည့်သူလည်းရှိပါရဲ့။။
အားပေးသူစကား၊အားဆေးအဖြစ်သဘောထား။
ကဲ့ရဲ့သူစကား၊ဆင်ခြင်တုံစကားအဖြစ်ပြောင်းကာထားလို့။
ကိုယ့်တာဝန်ကို ကိုယ်ယူယင်း၊
ခြေလှမ်းတွေကို ထိန်းမတ်ယင်းနဲ့၊
အရောက်သွားရမယ့် ပန်းတိုင်ဆီကို
သီချင်းသီကာ၊ အပြုံးဝေလို့
လျှောက်လှမ်းကြပါစို့။။
(v^-^v)♪
