သင်ခန်းစာ
လူတစ်ယောက် လုပ်ခဲ့တဲ့အလုပ်ဟာ နောက်လူတစ်ယောက်အတွက် သင်ခန်းစာတွေချည်းပဲ။
စစ်ပွဲ
စစ်မြေပြင်မှာဖြစ်တဲ့ စစ်ပွဲတွေအကြောင်း ယောကျင်္ားတွေက ပိုသိတယ်ဆိုရင်၊ လူအချင်းချင်း
လူမှုပတ်ဝန်းကျင်မှာ တိုက်ခိုက်ခံရတဲ့ စစ်ပွဲတွေအကြောင်းကိုတော့ မိန်းမတွေက ပိုသိပါတယ်။
အဲဒီ လူမှုစစ်ပွဲတွေကို ကျွန်မလည်း တိုက်ရမယ်။ မြဦးမေလည်း တိုက်ခဲ့ရတာပဲ။ ကျွန်မရဲ့ နောက်မျိုးဆက်တွေလည်းတိုက်ရဦးမှာ၊ အတိုက်ခံနေရဦးမှာပါ။ ဒီတော့ ကျွန်မတို့အနေနဲ့ ရှုံးနိမ့်သွားတဲ့ စစ်ပွဲတွေအကြောင်းလည်း သိထားရမယ်။ နိုင်ခဲ့တဲ့ စစ်ပွဲတွေအကြောင်းလည်း သိထားရမယ်။ လူတစ်ယောက်ရဲ့ ဘဝမှာအနိုင်နဲ့ အရှုံးက တွဲနေတာချည်းပါပဲ။ဒီထက်ပိုပြီး စိတ်ဝင်စားစရာကောင်းတာက အရှုံးလို့ ဘာနဲ့သတ်မှတ်မလဲ။ အနိုင်လို့ ဘာနဲ့သတ်မှတ်မလဲ။စစ်ပွဲရဲ့ အရှုံးအနိုင်က သိသာတယ်။ ဘဝရဲ့ အရှုံးအနိုင်က မသိသာပါဘူး။ အမျိုးမျိုးကွဲလွဲနေနိုင်တယ်။
ရွေးချယ်မှု
ကျွန်တော်တို့အားလုံးဟာ ဘဝမှာ ရွေးချယ်မှုတွေအများကြီး ရင်ဆိုင်ကြရတယ်။
အဲဒီလိုအခါမျိုးမှာ ကျွန်တော်တို့ ပြတ်သားတဲ့ ဆုံးဖြတ်ချက်လိုတယ်။ဘယ်သူမှ မှားမသွား ချင်ကြဘူး။
ဒီတော့ ကျွန်တော်တို့အနေနဲ့ ဘဝမှာ ဘာကိုတန်ဖိုးအထားဆုံးလဲ။ ဘာကို အဆုံးရှုံးမခံနိုင်ဆုံးလည်း သိဖို့လိုလာတယ်။ ကိုယ်အဆုံးရှုံးမခံနိုင်တဲ့ အခွင့်အရေးတစ်ခု ကို ကိုယ်ကာကွယ်ဖို့ ဆုတ်ကိုင်မိဖို့လိုတယ်။
-တစ်ခုကို ဆုပ်ကိုင်မိပြီဆိုရင်လည်း တခြားတစ်ခု အပေါ်စိတ်ညွှတ်မနေမိဖို့ အရေးကြီးပြန်ရော။အဲဒီလိုဖြစ်သွားရင် ဘဝက နေလို့ပျော်မှာ မဟုတ်တော့ဘူး။
လိုအပ်ချက်
လူတစ်ယောက်ဟာ ဘဝမှာ အသက်ရှင်ရပ်တည်ရေးမာန်အတွက် ကိုယ်ထူးချွန် ပြောင်မြောက်တဲ့အလုပ်နဲ့ ဝင်ငွေရနေဖို့လည်း လိုတယ်။
ဘဝရဲ့ အရသာအတွက် ကိုယ်စိုက်ထူနိုင်တဲ့ မှတ်တိုင်တစ်ခုလည်း လိုတယ်ဗျ။
လူသားကျင့်ဝတ်စံနှုန်း
ကျွန်တော်က ယောကျင်္ားတွေကိုရော မိန်းမတွေကိုပါ စံနှုန်းတစ်ခုတည်းနဲ့ တိုင်းတယ် မမေဇော်။ အဲဒါ လူသားကျင့်ဝတ်စံနှုန်းပဲပေါ့။
ဖြောင့်မတ်ရမယ်။ ထူးချွန်ရမယ်။ ကိုယ့်ဘေးပတ်ဝန်းကျင်ကို ကောင်းကျိုးပြုရမယ်။ ကိုယ့်ရဲ့ဘော် ရဲဘက်ကို သစ္စာမဖောက်ရဘူး။ ကိုယ့်အလုပ်ကို သစ္စာမဖောက်ရဘူး။ လူတစ်ယောက်နောက်ကျောကို ဓားနဲ့ထိုးတဲ့ ကောက်ကျစ်တဲ့အနိုင်ယူမှုမျိုး ကင်းရမယ်။ အိမ်ထောင်ရေး သစ္စာမြဲရမယ်။
မြတ်နိုးမှု
မြတ်နိုးမှုတစ်ခုနဲ့ ဆက်နွယ်နေတဲ့အခါ စံကားပင်ဟာ စံကားပင်တစ်ပင်မျှသာ မဟုတ်တော့ဘူး။ ကိုယ်နဲ့ဘဝအကြားဆက်သွယ်ပေးထားတဲ့ ကြိုးတစ်ချောင်း ဖြစ်သွားတယ်။
လိုချင်မှု
ဥယျာဉ်မှုး။ ။ကျွန်တော် မိန်းမတွေဆီက လိုချင်တာ တစ်ခုတည်းပဲ။ အဲဒါက မိန်းမသားအဖြစ်ပဲ။ သူတို့ဆီက နူးညံ့ညွှတ်ပျောင်းမှု၊ အားနွဲ ့မှု ဒါတွေပဲ လိုချင်တယ်။ သူတို့ကို ကိုယ်က ပန်းကလေးတွေလိုပဲ သဘေားထားတယ်။အရိပ်တကြည့်ကြည့်နဲ့ ပြုစုယုယပေးနေရတာ အရသာပဲ။
ဘဝအတွက်လည်း သိပ်ကြီးကြီမားမား မမျှော်လင့်ပါဘူး။ ကိုယ်အသက်ရှင်နေတဲ့ ကမ္ဘာမြေကြီးအတွက် မသေခင်မှာ တစ်နည်းနည်းနဲ့ အသုံးတည့်တဲ့သူ၊ အသုံးဝင်တဲ့သူ ဖြစ်နေရင်တော်ပါပြီ။
ဆရာ။။ မိန်းမတွေဆီက လိုချင်တာ ၂ခုပဲဗျ။ တစ်ခုက မေတ္တာ။ တစ်ခုက ဦးနှောက် အရည်အချင်း။
ကျွန်တော်အထင် မိန်းမတွေက ယောကျင်္ားတွေဆီက ဘယ်တော့မှ မဆုံးနိုင်လောက်တဲ့ ကြင်နာယုယ အလိုလိုက်မှုတွေ။ ဘဝလုံခြုံမှု နဲ့ ဂုဏ်သိက္ခာ လိုကြမယ်။ ငွေကို လိုချင်ကောင်းလိုချင်မယ်။ဒါပေမယ့် ငွေတစ်ခုတည်းနဲ့ ထိန်းမထားနိုင်ဘူး။
နောင်တ
နောင်တ ဆိုသောအရာသည် လူတစ်ယောက်ဧ။်ဘဝကို ဇောက်ထိုးမိုးမျှော်ဖြစ်သွားအောင် မှောက်ပစ်လိုက်နိုင်သည်။
လစ်လျူရှုမှု
လောကမှာလေ တစ်ချို့ကိစတွေကို လစ်လျူရှုရတယ်။ ဗုဒ္ဓဘုရားတောင်မှ တချို့မေးခွန်းတွေကို မဖြေဘဲထားခဲ့တာ။ လူ့ဘဝက တိုတိုလေး၊ အဲဒီတိုတိုလေးမှာ ကိုယ့်ဘဝအတွက် ဘယ်ဟာက အရေးကြီးသလဲ၊ ဘယ်ဟာက လစ်လျူရှုထားလို့ရသလဲ ခွဲခြားပြီး သိရမယ်လေ နော်။
စကားဖြူပွင့်က
ငါ့အတွက် စိတ်ထိခိုက်စရာဖြစ်ပေမဲ့
နင့်အတွက် အိပ်မက်ဆန်တယ်ဆိုရင်
ငါဝမ်းသာပါတယ်။
တစ်ခုပဲရှိတယ်။
အိမ်မက်ကို နှစ်သက်တဲ့လူဟာ
လက်တွေ့ရဲ့ အမှန်တရားကို
တုန်လှုပ်ရတတ်တယ်။
{မင်းညိုစင်}
No comments:
Post a Comment